Türkiyədə 10 avtomobil toqquşub, 18 nəfər xəsarət alıb  

Türkiyənin Afyonkarahisar şəhərində 10 avtomobil toqquşub.

Bu barədə “Report” yerli mətbuata istinadən xəbər verir.

Qeyd edilir ki, iki yük maşını minik avtomobilləri ilə toqquşib. Zəncirvari qəza zamanı 18 nəfər yaralanıb. Əraziyə polis, xilasedicilər, təcili yardım xidməti göndərilib.

Yaralılar xəstəxanaya çatdırılıb. Onlardan birinin vəziyyəti ağırdır.

Qəza və ərazidə xilasetmə işləri ilə əlaqədar nəqliyyat vasitələrinin sıxlığı yaranıb.

Hadisənin başvermə səbəbi açıqlanmır.

Faktla bağlı araşdırma aparılır.