Türkiyə parlamentinin sədri: Ankara heç vaxt Rusiyaya qarşı sanksiyaları dəstəkləməyib

Türkiyə Böyük Millət Məclisinin sədri Numan Kurtulmuş bildirib ki, ölkəsi Rusiyaya qarşı tətbiq edilən sanksiyaları heç vaxt dəstəkləməyib.

“Report” Rusiya KİV-ə istinadən xəbər verir ki, bu barədə Kurtulmuş Moskvada Rusiya Prezidenti Vladimir Putinlə görüşündə bildirib.

O, Rusiya və Türkiyənin prioritetlərinin çox oxşar olduğunu vurğulayıb.

“Biz heç vaxt Rusiyaya qarşı embarqoları dəstəkləməmişik. Qərb dairələrinin bununla Rusiyanı cəzalandırmaq istəməsi yanlışdır və biz heç vaxt belə bir münasibəti dəstəkləməmişik”, - TBMM sədri deyib.