Surqutda bağ evində baş vermiş yanğında 4 nəfər ölüb

Rusiyanın Xantı-Mansi Muxtar Dairəsinin Surqut şəhərində bağ evində baş vermiş yanğının söndürülməsi zamanı dörd nəfərin meyiti aşkar edilib.

“Report” xəbər verir ki, bu barədə ölkənin Fövqəladə Hallar Nazirliyinin mətbuat xidməti bildirib.

“Yanğının söndürülməsi zamanı Rusiya FHN əməkdaşları bir yaşlı oğlan, üç yaşlı qız, 27 yaşlı qadın və 56 yaşlı kişinin cəsədlərini aşkar ediblər”, – məlumatda diqqətə çatdırılıb.

Yanğının söndürülməsinə 15 mütəxəssis və üç texnika cəlb edilib.