Samvel Karapetyan Ermənistan vətəndaşlığından başqa bütün vətəndaşlıqlardan imtina edir

Rusiyalı iş adamı, "Güclü Ermənistan" partiyasının lideri Samvel Karapetyan Ermənistan vətəndaşlığı istisna olmaqla, bütün digər vətəndaşlıqlardan imtina prosesinə başlayıb.

"Report" Ermənistan mediasına istinadən xəbər verir ki, Karapetyan bu barədə bu gün əsas təqsirləndirilən şəxs kimi çıxış etdiyi cinayət işi üzrə məhkəmənin ilk iclasında bəyan edib.

"Seçkilərdə iştirak etdiyim və qələbə qazanacağıma əmin olduğum üçün bu pasportlardan imtina prosesinə başlamaq qərarına gəldim", - o bildirib.

Ermənistan vətəndaşlığı istisna olmaqla digər vətəndaşlıqlara malik olmaq iyunun 7-də Ermənistanda keçiriləcək parlament seçkilərində iştirak etməyə imkan vermir.