Qazaxıstanın bütün ərazisində antiterror rejimi ləğv edilib

Qazaxıstanın xüsusi xidmət orqanları Almatı və Jambil vilayətlərində, eləcə də Almatı şəhərində antiterror əməliyyatı rejimini ləğv etmək qərarına gəlib.

"Report" xəbər verir ki, bu barədə ölkənin Milli Təhlükəsizlik Komitəsinin mətbuat xidməti məlumat yayıb. Beləliklə, Qazaxıstanın bütün bölgələrində antiterror əməliyyatı ləğv edilir.

Əvvəllər antiterror əməliyyatı rejimi Qazaxıstanın yalnız bu üç rayonunda saxlanılırdı.

İğtişaşların təşkilatçıları və iştirakçılarının müəyyən edilməsi istiqamətində əməliyyat tədbirləri davam etdirilir. Silahların və partlayıcı maddələrin aşkar edilməsi üçün hüquq-mühafizə orqanlarına avtonəqliyyat vasitələrinin hərəkətinə nəzarət etmək və onları yoxlamağa icazə verilir.