Rusiyanın daxili və xarici dövlət borcu kəskin artıb

Rusiya Federasiyasının 2024-cü il üçün dövlət borcunun həcmi 13,5% və ya demək olar ki, 3,5 trilyon rubl artaraq 29 trilyon rubl təşkil edib.

“Report” xəbər verir ki, bu barədə Rusiya Hesablama Palatasının 2024-cü il üzrə federal büdcənin icrasının gedişi ilə bağlı analitik qeydində deyilir.

Qeyd olunub ki, 2024-cü ildə Rusiyanın dövlət borcu 3445,5 milyard rubl və ya 13,5% artaraq 2025-ci il yanvarın 1-nə “Rosstat”ın ilk qiymətləndirməsinə görə 29,04 milyard rubl və ya ÜDM-in 14,5%-ni təşkil edib.

Eyni zamanda, ölkənin daxili dövlət borcunun həcmi 2,93 trilyon rubl və ya 14,1% artaraq 23,74 trilyon rubl və ya Rusiyanın daxili dövlət borcunun yuxarı həddinin (266,8 milyon rubl) 89 faizini təşkil edib.