Rusiyada iqtisadi fəallıq 33% azalıb

Rusiyada aprel ayında iqtisadi fəallıq səviyyəsi pandemiyadan əvvəlki vəziyyətlə müqayisədə 33% azalıb.

“Report”un Rusiya bürosunun verdiyi məlumata görə, bu barədə ölkənin iqtisadi inkişaf naziri Maksik Reşetnikov bildirib.

O həmçinin koronavirus səbəbi ilə bölgələrdə iş yerlərinin 28 faizinin cəmləşdiyi şirkətlərin fəaliyyətinin məhdud olduğunu vurğulayıb.

Xatırladaq ki, pandemiya dövründə Rusiyada apreldə vergi daxilolmaları 31,4%, gəlir vergisi 40,8%, ƏDV 26,7% azalıb.