Rusiya Xarkova “İsgəndər” raketləri ilə zərbə endirib

Rusiya ordusu ötən gecə Ukraynanın Xarkov vilayətinin Kupyansk şəhərinə “İsgəndər” zenit-raket kompleksləri ilə zərbə endirib.

“Report” “RBK Ukraina”ya istinadən xəbər verir ki, bunu Xarkov Hərbi-Vilayət Administrasiyasının rəhbəri Oleq Sinegubov bildirib.

Hücum nəticəsində 3 nəfər mülki şəxs yaralanıb, 5 yaşayış binasına ziyan dəyib.

Rusiya Silahlı Qüvvələri həmçinin, Ukraynanın Çuqevski və İzyum rayonlarının kəndlərinə də zərbələr endirib.

Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.