Rusiya ordusu İran istehsalı olan PUA-larla Ukrayna ərazisinə hücum edib

Rusiya ordusu İran istehsalı olan “Şahed” pilotsuz uçan aparatları (PUA) ilə Ukraynanın cənub və şərq ərazilərinə hücum edib.

"Report"un Şərqi Avropa bürosu xəbər verir ki, ölkənin şərq və cənub bölgələrində hava xəbərdarlığı elan olunub.

Hərbi Hava Qüvvələri Zaporojye, Dnepropetrovsk və Donetsk vilayətlərində raket təhlükəsi barədə xəbərdarlıq edib. Daha sonra Odessa və Nikolayev vilayətlərində raket təhlükəsi barədə məlumat verilib.

Rusiyanın ballistik raket hücumu təhlükəsi Xarkov, Donetsk və Luqansk vilayətlərində də açıqlanıb.