Rusiya Kiyevi yenidən atəşə tutub, ölən və xəsarət alanlar var

Rusiya Silahlı Qüvvələrinin Ukraynanın paytaxtı Kiyevin Podolsk rayonundakı yaşayış məhəllələrini atəşə tutuması nəticəsində 1 nəfər ölüb, 4 nəfər xəsarət alıb.

“Report” xəbər verir ki, bu barədə Fövqəladə Vəziyyət üzrə Dövlət Xidməti məlumat yayıb.

Bildirilib ki, raket zərbəsinin endirildiyi ərazidə yanğın başlayıb.

10:54

Rusiya Silahlı Qüvvələri Ukraynanın paytaxtı Kiyevin Podolsk rayonundakı yaşayış məhəllələrini atəşə tutub.

“Report” xəbər verir ki, bu barədə Kiyev Şəhər Administrasiyası teleqramda məlumat yayıb.

“Hadisə yerində artıq xilasedici və tibb işçiləri fəaliyyət göstərir. Yaşayış binalarının dağıntı xarakteri, miqdarı və zərərçəkmişlərin sayı dəqiqləşdirilir”, - məlumatda qeyd olunub.

Rusiya Kiyevi yenidən atəşə tutub, ölən və xəsarət alanlar var