Qazaxıstanın Türkiyədəki səfiri ölkənin TDT-də daimi nümayəndəsi təyin olunub

Qazaxıstanın Türkiyədəki səfiri Yerkebulan Sapiyev əlavə olaraq Qazaxıstanın Türk Dövlətləri Təşkilatında (TDT) daimi nümayəndəsi təyin edilib.

Bu barədə “Report”un Qazaxıstan bürosu “Akorda”ya istinadən xəbər verir.

Müvafiq fərman Qazaxıstan Prezidenti Kasım-Jomart Tokayev tərəfindən mayın 22-də imzalanıb.

TDT-yə Azərbaycan, Qazaxıstan, Qırğızıstan, Türkiyə və Özbəkistan daxildir. Macarıstan, Şimali Kipr Türk Respublikası və Türkmənistan təşkilatda müşahidəçi statusuna malikdir.