Putin: “Ukrayna sadəcə qonşu deyil, ukraynalılar ruslarla yoldaşdırlar”

Ukrayna Rusiya üçün sadəcə qonşu ölkə deyil, ukraynalılar ruslarla yoldaşdırlar.

“Report” xəbər verir ki, bunu Rusiya Prezidenti Vladimir Putin “Rossiya 24” telekanalının efirində ölkə vətəndaşlarına telemüraciətində deyib.

Prezidentin müraciəti ruslara və həmvətənlərə ünvanlanıb. Rusiya Prezidenti televiziya ilə vətəndaşlara müraciətinin əvvəlində mövzunun Ukrayna ilə bağlı olduğunu söyləyib.

"Hörmətli Rusiya vətəndaşları, əziz dostlar, çıxışımın mövzusu Ukraynada baş verən hadisələr və bunun bizim üçün, Rusiya üçün niyə bu qədər vacib olmasıdır. Təbii ki, mənim müraciətim Ukraynadakı həmvətənlərimizə də ünvanlanıb", - Putin bildirib.

"Biz təfərrüatı ilə və ətraflı danışmalı olacağıq, məsələ çox ciddidir", - Rusiya Prezidenti vurğulayıb.

Onun fikrincə, Donbasdakı vəziyyət kritik, kəskin xarakter alıb. "Bir daha vurğulayıram ki, Ukrayna bizim üçün sadəcə qonşu ölkə deyil. Bu, bizim öz tariximizin, mədəniyyətimizin, mənəvi məkanımızın ayrılmaz hissəsidir. Bunlar bizim yoldaşlarımız, qohumlarımızdır, o cümlədən təkcə həmkarlarımız, dostlarımız, keçmiş həmkarlarımız deyil, həm də qohumlar, bizimlə qan, qohumluq əlaqələri ilə bağlı olan insanlardır”, - Putin əlavə edib.