Putin Paşinyanla Qarabağı müzakirə edib

Rusiya Prezidenti Vladimir Putin Kremldə Ermənistanın Baş naziri Nikol Paşinyanla Qarabağı müzakirə edib.

Bu barədə “Report” “RİA Novosti”yə istinadən xəbər verir.

Tərəflər eyni zamanda iqtisadi məsələləri müzakirə ediblər. Putin ölkələr arasında ticarətin intensivləşdiyini qeyd edib.

"Biz Qarabağ probleminin həllində birgə fəal işləməyə davam edirik. Üçtərəfli formatda, Azərbaycandan olan tərəfdaşlarımızla birlikdə. Bir çox məsələlər var. Sizinlə görüşmək və bütün kompleks məsələlər haqqında danışmaq imkanı əldə etdiyimə görə şadam", - Putin əlavə edib.

Qeyd edək ki, Paşinyan Moskvaya KTMT-yə üzv ölkələrin liderlərinin sammitinə gəlib.