Putin görüş zamanı onun yerində əyləşən qubernatorla zarafatlaşıb - VİDEO

Bakı. 27 oktyabr. REPORT.AZ/ Rusiyanın dövlət başçısı Vladimir Putin görüş zamanı səhvən prezidentin kreslosunda əyləşən Xantı-Mansiysk muxtar dairəsinin rəhbəri Nataliya Komarova ilə zarafatlaşıb.

“Report” xəbər verir ki, o, qubernatordan yerini dəyişməsini istəməyib və sadəcə masa üzərindəki kağızların yerini dəyişməklə nümayişkaranə şəkildə jest edib.

Xanım məmur prezidentin bu hərəkətindən çaşıb qalıb və bilmədən dövlət başçısının yerində əyləşdiyi üçün nə deyəcəyini bilməyib.

"Heç bir şey yoxdur. Bura da yaxşıdır", - deyə Putin istehza ilə zarafatlaşıb.

Rusiya prezidenti Vladimir Putin bundan əvvəl Bakıda keçirilən VI Beynəlxalq Humanitar Forum iştirakçılarına məktub ünvanlayıb.