Pakistanda İmran Xanın həbsinə etiraz olaraq keçirilən aksiyalarda azı 4 nəfər ölüb - YENİLƏNİB-2

Pakistanın hüquq-mühafizə orqanları sabiq Baş nazir İmran Xanın başçılıq etdiyi müxalif Təhrik-i-İnsaf Partiyasının sədr müavini, keçmiş xarici işlər naziri Şah Mehmud Qureşini saxlayıb.

“Report” xarici KİV-ə istinadən xəbər verir ki, o, aksiyaları qızışdırmaqla və təşklil etməkdə ittiham olunur.

Bundan başqa, təşkilatın Baş katibi Əsəd Ömər saxlanılıb.

16:50

Pakistanda keçmiş Baş nazir İmran Xanın həbsinə etiraz olaraq keçirilən aksiyalar zamanı azı 4 nəfər ölüb. 

“Report” yerli KİV-ə istinadən xəbər verir ki, bunu həkimlər bildirib.

Mindən çox etirazçı tutulub.

16:14

Pakistan məhkəməsi keçmiş Baş nazir İmran Xan barəsində 8 günlük həbs qərarı çıxarıb.

“Report” xəbər verir ki, məlumatı Rusiya KİV-i yayıb.

Sabiq hökumət başçısının həbsinə etiraz edən naməlum şəxslər ölkənin Peşavar şəhərində “Pakistan Radiosu”nun binasına hücum edib, ofisini yandırıblar.

İ.Xan mayın 9-da saxlanılıb. Bundan sonra ölkənin İslamabad, Peşavər, Haripur, Abottabad, Sialkot, Faisalabad, Ravalpindi, Lahor və başqa bölgələrində etiraz aksiyaları başlayıb.

Eks-Baş nazir xarici ölkə liderlərindən 630 min dollarlıq hədiyyə almaqda ittiham olunur.

Ona qarşı martın 19-da terrorçuluq ittihamı da irəli sürülüb.