Özbəkistanda dağ-mədən sənayesi layihələrinə 1 milyard dollar investisiya cəlb ediləcək

2025-ci ildə Özbəkistanda dağ-mədən və geologiya sahələri ilə bağlı layihələrə 1 milyard ABŞ dolları həcmində investisiyanın cəlb edilməsi planlaşdırılır.

“Report” Özbəkistan KİV-lərinə istinadən xəbər verir ki, bu barədə ölkə başçısının mətbuat xidməti məlumat yayıb.

Bildirilib ki, Prezident Şavkat Mirziyoyevə metallurgiya müəssisələrinin transformasiyası ilə bağlı proqramların icrası və 2025-ci il üçün planlar barədə məlumat verilib.

Qənaət və səmərəlilik prinsipləri əsasında xərclərin azaldılması, həmçinin sənayenin zəruri xammalla fasiləsiz təchizatının təmin edilməsi üzrə tədbirlər müəyyən edilib.

Məlumata görə, 2025-ci ildə dağ-mədən və geologiya sahələrində layihələrə 1 milyard dollar investisiyanın cəlb edilməsi planlaşdırılır. Kaolin istehsalı 50 % artmalı, kömür hasilatı isə 10 milyon tona çatmalıdır.