Müdafiə naziri: “Gürcüstanın qonşu ölkələrlə uğurlu hərbi əməkdaşlığı var”

“Gürcüstanın qonşu ölkələrlə hərbi sahədə uğurlu əməkdaşlığı var”.

“Report”un yerli bürosu xəbər verir ki, bu barədə ölkənin müdafiə naziri İrakli Qaribaşvili parlamentdə çıxışı zamanı bildirib.

Onun sözlərinə görə, Türkiyə ilə hərbi əməkdaşlıq strateji əhəmiyyət kəsb edir: “Ötən ilin dekabrında türkiyəli həmkarımla hərbi maliyyə əməkdaşlığına dair beşillik saziş imzalamışıq”.

İ.Qaribaşvili Gürcüstanın ABŞ-la ikitərəfli strateji tərəfdaşlığının heç vaxt indiki qədər möhkəm olmadığını da qeyd edib.