Müharibə ilində Ukraynada yaşama icazəsi alan Azərbaycan vətəndaşlarının sayı açıqlanıb 

Keçən il Azərbaycanın 2 307 vətəndaşı Ukraynada müvəqqəti və daimi yaşayış icazəsi alıb.

Bu barədə "Report"un Şərqi Avropa bürosunun sorğusuna cavab olaraq Ukrayna Dövlət Miqrasiya Xidmətindən məlumat verilib.

Bildirilib ki, onlardan 806 nəfəri ilk dəfə daimi yaşayış icazəsi alanlardır:

"Müvəqqəti yaşama icazəsi alan Azərbaycan vətəndaşlarının sayı isə 1 501 nəfər təşkil edib".

Qeyd edək ki, Ukraynada 2022-ci ilin fevralından Rusiyanın hücumu nəticəsində genişmiqyaslı müharibə gedir.