Mirzoyan: Sülh sazişinin mətnində Ermənistan və Azərbaycanın əraziləri göstərilməyib

Sülh sazişinin mətnində Ermənistan və Azərbaycanın ərazilərinin sahələri göstərilməyib.

“Report” Ermənistan KİV-inə istinadən xəbər verir ki, bunu xarici işlər naziri Ararat Mirzoyan parlamentin xarici əlaqələr komissiyasının iclasında bildirib.

Onun sözlərinə görə, ərazi bütövlüyünün qarşılıqlı tanınması ilə bağlı bənd qeyd olunub.

"Tərəflər sülh sazişinin mətnində bir-birinin ərazi bütövlüyünü qarşılıqlı tanıyırlar, lakin kvadrat kilometrdən bəhs edilmir", - o bildirib. 

A.Mirzoyan hesab edir ki, çağırışlar mövcuddur, lakin bu riskləri idarə etməyin yeganə metodu danışıqlar və sülh qurulmasıdır. Bu baxımdan o əmindir ki, sülh sazişi tamamilə Ermənistanın maraqlarına uyğundur.