İstanbulda Qalata qülləsi 15 iyul şəhidlərinin fotoşəkilləri ilə proyeksiya edilib

İstanbulda məşhur Qalata qülləsinin üzərinə 15 iyul şəhidlərinin fotoşəkilləri proyeksiya edilib.

“Report” Türkiyə KİV-inə istinadən xəbər verir ki, Beyoğlu Bələdiyyəsi 15 İyul Demokratiya və Milli Birlik Gününün 7-ci ildönümündə şəhidləri müxtəlif tədbirlərlə anır. İyulun 14-də axşam saat 21.15 radələrində 15 iyul şəhidlərinin fotoşəkilləri Qalata qülləsinə proyeksiya edilib. İstanbulda “Türkiyənin Əsrin Qəhrəmanları” mövzusunda keçirilən tədbirlərin ən önəmli mərkəzlərindən biri də Beyoğlu olub.

Qalata Qülləsində video xəritəçəkmə şousu da keçirilib. Əvvəlcə qüllənin üzərinə Türkiyə bayrağı proyeksiya edilib, sonra bir dəqiqəlik sükutla yad edilib və İstiqlal Himni səsləndirilib.