İranlı parlamentari: Nüvə silahı hazırlamağımız zəruridir

İran İslam Respublikası üçün atom bombası hazırlamaq zəruridir.

“Report” “İran İnternational”a istinadən xəbər verir ki, bunu İran parlamentinin milli təhlükəsizlik məsələləri üzrə komissiyasının üzvü Əhməd Bəxşaiş Ərdəstani bildirib.

Onun sözlərinə görə, atom silahı əldə etdikdən sonra Tehranla Qərb arasında gərginlik bir neçə ilə sona çatacaq: “Biz atom bombası yaratsaq, maksimum altı ay gərginlik yaşayacağıq".

Bildirilib ki, Bəxşaişin açıqlaması İranın ali rəhbəri ayətulla Seyid Əli Xaməneinin beynəlxlaq məsələlər üzrə müşaviri Əli Laricaninin İran və ABŞ münasibətlərinin yeni vəziyyətdə olduğunu vurğulaması ilə üst-üstə düşüb.