İranda milli komandanın ABŞ-a məğlubiyyətinə sevinən şəxs öldürülüb

İranın Bəndər-Ənzəli şəhərində 27 yaşlı Mehran Samak adlı gənc milli komandanın 2022-ci il Dünya Çempionatında çıxışını dayandırmasına sevindiyi üçün öldürülüb.

“Report” xəbər verir ki, bu barədə BBC Osloda yerləşən “Iran Human Rights” təşkilatına istinadən məlumat yayıb.

Bildirilib ki, hökumət əleyhinə etirazlar zamanı həmin şəxs İran millisinin qrup mərhələsinin üçüncü turunda ABŞ-a uduzmasını avtomobili idarə edən zaman sevinərək siqnal verməklə qeyd edib. Hüquq-mühafizə orqanlarının noyabrın 29-da M.Samakinə atəş açması nəticəsində başından aldığı yaradan ölüb. Onun dəfn mərasimi zamanı hökumət əleyhinə şüarlar səsləndirilib.