İran Prezidentinin nümayəndəsi: Əfqanıstanla sərhəddə divar hörməyi başa çatdırmaqda qətiyyətliyik

İran Əfqanıstanla sərhəddə divar hörməyi başa çatdırmaqda qətiyyətlidir.

“Report” İran İnqilab Keşikçiləri Qvardiyasının informasiya kanalına istinadən xəbər verir ki, bunu İran Prezidentinin Əfqanıstan məsələləri üzrə xüsusi nümayəndəsi Həsən Kazemi Qumi bildirib.

Onun sözlərinə görə, bu tədbir İranın təhlükəsizliyini təmin etmək və sərhəd pozuntularının qarşısını almaq məqsədilə həyata keçirilib.

Bildirilib ki, İran sərhədin daha çox pozulduğu ərazidən, Xorasan Rəzəvi əyalətinin şimal-şərq hissəsində 74 km uzunluqda 4 metr enində beton divarları tikanlı məftillərlə gücləndirəcək.

İran Pakistanla sərhədə də oxşar divar hörməyi planlaşdırır.