İran İsrailə qanuni cavab vermək hüququnu özündə saxladığını bildirib

Tehran İsrailin hücumundan sonra qanuni və legitim cavab vermək hüququnu özündə saxlayır.

“Report” xəbər verir ki, bu barədə İranın BMT-dəki daimi nümayəndəliyinin yaydığı bəyanatda deyilir.

Qeyd olunub ki, İran Birləşmiş Millətlər Təşkilatının Nizamnaməsində təsbit edilmiş prinsiplərə və beynəlxalq hüquqa uyğun olaraq, bu cinayətkar hücumlara lazımi vaxtda qanuni cavab vermək hüququnu özündə saxlayır.

Bəyanatda həmçinin qeyd olunub ki, Tehran İsrailin hərəkətləri ilə beynəlxalq hüququn əsas prinsiplərini və BMT Nizamnaməsini pozan məqsədyönlü təcavüz aktını qətiyyətlə pisləyir. Vurğulanıb ki, İsrailin hərəkətləri beynəlxalq sülh və təhlükəsizliyə ciddi təhlükə yaradır.