İrakli Qaribaşvili Gürcüstanın Aİ-yə üzvlük sorğusunun birinci hissəsini təqdim edib

Gürcüstan Avropa İttifaqına (Aİ) üzvlüklə bağlı sorğu vərəqəsəinin tamamladığı birinci hissəsini təşkilata təqdim edib.

“Report”un yerli bürosu xəbər verir ki, sənədi Baş nazir İrakli Qaribaşvili Aİ-nin Gürcüstandakı səfiri Karl Hartzelə təhvil verib.

Anket vərəqəsinin ikinci hissəsinin mayın 13-dək təqdim olunacağı gözlənilir.

Qeyd edək ki, Gürcüstan Aİ-yə tamhüquqlu üzvlüklə bağlı rəsmi müraciəti 2024-cü ildə etməyə hazırlaşırdı. İ.Qaribaşvili bu il martın 3-də üzvlüklə bağlı müraciət imzalayıb. Qonşu ölkə sorğu vərəqəsini aprelin 11-də təhvil alıb.