Gürcüstanda koronavirusa yoluxanların sayı 100 mini ötdü

Gürcüstanda son sutkada koronavirusa 3 824 yeni yoluxma faktı təsdiqlənib, 3 851 nəfər sağalaraq evə buraxılıb, 33 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək təsdiqlənən COVID-19-a yoluxma hallarının sayı 100 684-ə çatıb. Yoluxan şəxslərin 81 783-ü sağalıb, 927-si isə dünyasını dəyişib.

Hazırda karantin rejimində 2 128, stasionar nəzarətdə isə 5 976 nəfər saxlanılır. Xəstəliyi simptomsuz keçirən 3 445 nəfər xüsusi otellərdə müalicə alır.