Ermənistanın baş naziri istefa vermək üçün şərtlərini açıqlayıb

Bakı. 3 oktyabr. REPORT.AZ/ Ermənistanın baş naziri Nikol Paşinyan hansı şərtlər əsasında istefa verəcəyini açıqlayıb.

“Report” RİA "Novosti"yə istinadən xəbər verir ki, o, "Çiçəklənən Ermənistan" və "Daşnaksütün" partiyalarından olan nazir və qubernatorlar istefa verəcəyi təqdirdə, bu addımı atacağını bildirib.

"Nazir və qubernatorların istefası haqqında qərar de-yure qüvvəyə minəcəyi təqdirdə, mən də istefaya gedəcəyəm…Lakin baş nazirin vəzifələrini icra edəcəyəm", — deyə o bildirib.