Ermənistanda ölmüş hərbçilərin anaları yenidən aksiya keçiriblər

Ermənistanda hökumət binasının qarşısında müxtəlif vaxtda ölmüş hərbçilərin anaları etiraz aksiyası keçiriblər.

“Report” xəbər verir ki, məlumatı “Novosti Armeniya” yayıb.

Onlar bildiriblər ki, Ermənistanın baş naziri Nikol Paşinyanla görüşdən kifayət qədər vaxt keçməsinə baxmayaraq, tələbləri həllini tapmayıb.

Qeyd edək ki, aksiyaçılar həmin hərbçilərin ailə üzvlərinə kompensasiya verilməsini tələb edirlər. 

Etirazçılar bildiriblər ki, 2008-ci ilin mart hadisələri zaman ölənlərin ailə üzvlərinə kompensasiya verilirsə, bu, onlara da şamil edilməlidir.