Ermənistanda müxalifət lideri həbs edildi

Ermənistanda müxalifət lideri həbs edildi Yerevan Məhkəməsi hakim Mnasakan Martirosyanın sədrliyi ilə "Çiçəklənən Ermənistan" Partiyasının lideri Qaqik Sarukyan barəsində həbs qərarı çıxarıb.
Region
1132
26 Sentyabr , 2020 00:06
Ermənistanda müxalifət lideri həbs edildi
Qaqik Sarukyan

Yerevan Məhkəməsi hakim Mnasakan Martirosyanın sədrliyi ilə "Çiçəklənən Ermənistan" Partiyasının lideri Qaqik Sarukyan barəsində həbs qərarı çıxarıb.

Bu barədə "Report" Ermənistan mətbuatına istinadən xəbər verir.

Qaqik Sarukyan 2017-ci ilin parlament seçkilərində seçicilərin rüşvətlə ələ alınmasında, habelə digər cinayət əməllərində ittiham edilir.

İyunun 14-də Ermənistanın Milli Təhlükəsizlik Xidmətinin əməkdaşları Qaqik Sarukyanın Arinj (Kotayksk əyaləti) icmasındakı evində axtarış aparıblar, o, bundan sonra bir neçə saat ifadə verib. Bütün bunlar xidmətin binası qarşısında kütləvi etiraz aksiyasına səbəb olub.

İyunun 16-da Sarukyan yenidən dindirilmək üçün Milli Təhlükəsizlik Xidmətinə çağırılıb, siyasətçi bundan sonra bildirib ki, ona qarşı iş qondarmadır.

İyunun 16-da Ermənistan parlamenti Baş Prokurorluğun Sarukyanın deputat toxunulmazlığından məhrum edilməsi və azadlıqdan məhrum olunması barədə vəsatətini təmin edib. İyunun 21-da məhkəmə prokurorluğun Qaqikin bu cinayət işi çərçivəsində həbsi haqqında xahişini rədd edib, ancaq Milli Təhlükəsizlik Xidmətinin müstəntiqləri qərardan şikayət ediblər.

Son xəbərlər

Orphus sistemi