Ermənistanda koronavirusa yoluxanların sayı 334 mini ötüb

Ermənistanda daha 492 nəfərdə koronavirus aşkarlanıb.

“Report” xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.

Məlumata görə, Ermənistanda COVID-19-a yoluxanların ümumi sayı 334 075 nəfərə yüksəlib.

Bildirilib ki, son sutkada ölkədə koronavirusdan 25 nəfər ölüb. Bununla da ölənlərin sayı 7 278-ə çatıb.