Ermənistanda hərbi hissənin anbar rəisi dizel yanacağı oğurluğunda təqsirli bilinir

Ermənistanda hərbi hissələrdən birinin yanacaq-sürtkü materialları anbarının rəisi dizel yanacağı oğurluğunda təqsirləndirilir.

"Report" Ermənistan mediasına istinadən xəbər verir ki, bu barədə ölkənin Korrupsiyaya Qarşı Mübarizə Komitəsi məlumat yayıb.

İstintaqın məlumatına görə, vəzifəli şəxs 2026-cı ildə dizel yanacağının hərbi hissənin ərazisindən çıxarılması ilə bağlı oranın sürücüsü ilə razılığa gəlib.

Yanacaq hərbi hissənin ərazisindən çıxarılıb və daha sonra hərbi polis əməkdaşları tərəfindən aşkar edilib. Hər iki şəxsə qarşı oğurluq ittihamı irəli sürülüb, onlar təqsirlərini etiraf ediblər. İstintaq başa çatıb, materiallar məhkəməyə göndərilib.