Ermənistanda çantasından güllələr tapılan partiya sədri azadlığa buraxılıb

Ermənistanda həbs edilmiş “Vətənin Gücü” partiyasının sədri Tiqran Arzakansyan azadlığa buraxılıb.

“Report” xəbər verir ki, bu barədə ölkənin İstintaq Komitəsi məlumat yayıb.

“Faktla bağlı 335-ci maddə ilə cinayət işi açılıb, güllələrin qanunsuz və ya qanuni olması halları dəqiqləşdirilir”, - İstintaq Komitəsindən bildirilib.

Komitədən bildirilib ki, hazırda ibtidai istintaq aparılır.

Bundan əvvəl “NEWS.am” saytı “Zvartnots” hava limanının aviasiya təhlükəsizliyinin əməkdaşlarının partiya sədri Tiqran Arzakansyanı hava limanında saxladığını bildirmişdi. O, həbs edilmişdi.

İrəvan-Dubay reysi ilə uçan sərnişin Arzakansyanın çantasından naməlum tipli silaha məxsus 16 ədəd güllə tapılıb.