Ermənistanda bir əsgəri öldürən və ikisini yaralayan hərbçi tutulub

Ermənistanda hərbi hissədə əsgər yoldaşlarına atəş açaraq birini öldürən, ikisini isə yaralayan hərbçi tutulub.

“Report” “Novosti Armeniya”ya istinadən xəbər verir ki, bu barədə ölkənin İstintaq Komitəsindən bildirilib.

Həmin hərbçiyə qarşı Cinayət Məcəlləsinin qəsdən adam öldürmə və hərbi hissədə qəsdən adam öldürməyə cəhd maddələri ilə cinayət işi açılıb.

Qeyd edək ki, ötən gün Ermənistan Müdafiə Nazirliyinin hərbi hissələrindən birində əsgərin öz yoldaşlarına atəş açması nəticəsində bir hərbçi ölüb, 2-si yaralanıb.