Bakı. 7 sentyabr. REPORT.AZ/ Ermənistanda iki parlament komissiyasını ləğv etməyi planlaşdırırlar.
"Report" Ermənistan KİV-inə istinadən xəbər verir ki, Ermənistan parlamentinin yeni reqlamentinə əsasən, parlament komissiyalarının sayı 12-dən 10-a qədər azala bilər.
Rəhbərlik Avropaya inteqrasiya üzrə komissiyanı və insan haqları komissiyasını ləğv etmək niyyətindədir. Birinci komissiya xarici məsələlər komissiyasına, ikincisi isə - dövlət-hüquqi məsələlər komissiyasına birləşdiriləcək.