Ərdoğan: "Hardasan Obama?"

Bakı. 13 fevral. REPORT.AZ/ Türkiyə prezidenti Rəcəb Tayyib Ərdooğan ABŞ-da üç müsəlman gəncin qətlə yetirilməsi faktına Ağ Ev administrasiyasının heç bir reaksiya verməməsini anlamadığını deyib.

"Report" Hürriyət qəzetinə istinadla xəbər verir ki, hazırda Meksikada bir sıra rəsmi görüşlər keçirən Tükiyənin dövlət başçısı ABŞ-da törədilən son qanlı qətl hadisəsini pisləyib.

Həmkarı Barak Obamaya səslənən R.T.Ərdoğan deyib: "Əyər siz bu kimi hadisələrə səssiz qalsanız, o zaman dünya da biganə olacaq. Halbuki qətlə yetirilən insanlar terrorçu deyildi - Suriyalı müsəlmanlardı. Hardasız ABŞ prezidenti və vitse-prezidenti? Niyə reaksiya vermirsiz? Mən bu cinayəti pisləyirəm və qatilləri lənətliyirəm".