Çavuşoğlu: “Türkiyə fəlakət zamanı göstərilən dəstəyə görə NATO üzrə tərəfdaşlarına minnətdardır”

"Türkiyə dağıdıcı zəlzələlərdən sonra göstərilən dəstəyə görə NATO üzrə tərəfdaşlarına minnətdardır".

"Report" "Anadolu"ya istinadən xəbər verir ki, bunu Türkiyənin xarici işlər naziri Mövlud Çavuşoğlu Ankarada NATO-nun baş katibi Yens Stoltenberq ilə birgə mətbuat konfransında deyib.

Türkiyə xarici siyasət idarəsinin rəhbəri fəlakət zonasına NATO ölkələrindən xilasetmə qruplarının, həmçinin digər yardımların göndərildiyini xatırladıb.

Çavuşoğlu Türkiyə Prezidenti ilə görüşdükdən sonra Yens Stoltenberqin təbii fəlakət bölgəsinə səfər edəcəyini bildirib.