Bosfor boğazında gəmilərin hərəkəti dayandırılıb

Panama bayrağı altında üzən “Sredina” adlı neft tankerində yaranan nasazlıqla əlaqədar gəmilərin Bosfor boğazından keçidi müvəqqəti olaraq hər iki istiqamətdə dayandırılıb.

“Report” xbər verir ki, bu barədə Türkiyə Sahil Mühafizəsinin Baş İdarəsi məlumat yayıb.

Qeyd olunub ki, uzunluğu 171 metr olan tanker Rumıniyadan Liviyaya gedərkən Bosfor boğazının şimal girişində mühərrikində yaranan problemə görə dayanıb. Artıq yedək gəmilər dərhal tankerin yanına göndərilib.

Bu arada, “Marinetraffic” gəmi monitorinq xidməti bildirib ki, tanker Rusiyanın Novorossiysk limanından Benqaziyə gedirmiş.