Binəli Yıldırım Türkiyənin yeni hökumətinin tərkibini açıqlayıb

Bakı. 19 iyul. REPORT.AZ / Türkiyənin Baş naziri Binəli Yıldırım yeni hökumətin tərkibini açıqlayıb.

"Report"un "Anadolu" agentliyinə istinadən verdiyi məlumata görə, ədliyyə naziri Bəkir Bozdağ və müdafiə naziri Fikri İşık baş nazirin müavinləri vəzifəsinə təyin ediliblər.

Ədalət və İnkişaf Partiyasından millət vəkili Hakan Çavuşoğlu həmçinin baş nazirin müavini vəzifəsini tutub.

Türkiyənin əmək və sosial müdafiə naziri Jülide Sarıeroğlu olub. Əbdülhamit Gül Türkiyənin ədliyyə naziri vəzifəsinə təyin olunub.

Mövlud Çavuşoğlu Türkiyənin XİN başçısı vəzifəsində qalıb. Berat Albayrak həmçinin energetika və təbii sərvətlər naziri vəzifəsini qoruyub saxlayıb.