Bayden administrasiyası İranla bağlı şərtlərini açıqlayıb

Bayden administrasiyası İranla bağlı şərtlərini açıqlayıb ABŞ-ın seçilən prezidenti Cozef Baydenin administrasiyası İranın nüvə məsələsi ilə bağlı anlaşamaya qayıdandan sonra onu raket proqramını məhdudlaşdırmağa çalışacaq.
Region
1182
4 Yanvar , 2021 11:14
Bayden administrasiyası İranla bağlı şərtlərini açıqlayıb
Cozef Bayden
0 : 00
0 : 00

ABŞ-ın yeni seçilən prezidenti Cozef Baydenin administrasiyası İranın nüvə məsələsi ilə bağlı anlaşmaya qayıdandan sonra onun raket proqramını məhdudlaşdırmağa çalışacaq.

“Report” TASS-a istinadən xəbər verir ki, bunu C.Baydenin milli təhlükəsizlik məsələləri üzrə müşaviri olmağa namizəd Ceyk Sallivan yanvarın 4-ü gecə saatlarında CNN televiziyasına müsahibəsində bildirib.

Onun sözlərinə görə, ABŞ-ın yeni administrasiyası İranın nüvə proqramı ilə bağlı Əhatəli birgə fəaliyyət planına qayıtmağa Tehranın anlaşmaya tam əməl etməsi şərti ilə hazırdır.

Qeyd edək ki, İran prezidenti Həsən Ruhani ölkəsinin raket proqramına dair danışıqlar aparılmasının mümkün olmadığını bildirmişdi.

Xatırladaq ki, İranın nüvə proqramı üzrə ABŞ, Almaniya, Britaniya, Fransa, Rusiya və Çin 2015-ci ilin yayında Əhatəli birgə fəaliyyət planı imzalamışdı. ABŞ prezidenti Donald Tramp 2016-cı ilin əvvəlində İranın razılaşmanın şərtlərini pozduğunu bildirərək ölkəsini bu anlaşmadan çıxartmışdı.

Son xəbərlər

Orphus sistemi