Avstriya kansleri Kiyevdə səfərdədir

Avstriya kansleri Karl Nehammer Ukraynanın paytaxtı Kiyev şəhərində səfərdədir.

“Report” xəbər verir ki, o, Ukrayna lideri Volodimir Zelenski ilə görüşüb.

"Avstriya Rusiyanın təcavüzünə qarşı müqavimətdə bizi dəstəkləyir. Federal kansler Karl Nehammerin səfəri Ukrayna xalqı ilə mühüm həmrəylik nümayişidir", - V.Zelenski bildirib.

Avstriya kansler eyni zamanda Ukraynanın Baş naziri Denis Şmiqal və Kiyev meri Vitali Kliçko ilə danışıqlar aparacaq.