ABŞ prezidentinin müşaviri ilə Rusiya xarici işlər naziri arasında danışıqlar başlayıb

Bakı. 27 iyun. REPORT.AZ/ Moskvada səfərdə olan ABŞ prezidentinin milli təhlükəsizlik üzrə müşaviri Con Bolton ilə Rusiya xarici işlər naziri Sergey Lavrov arasında görüş başlayıb.

Bu barədə "Report" "İnterfaks"a istinadən xəbər verir.

Moskvaya səfəri zamanı C.Bolton Rusiya və ABŞ prezidentləri arasında mümkün görüşü müzakirə edəcək. Eyni zamanda, Rusiya Prezidenti Vladimir Putinin də ABŞ prezidentinin müşaviri ilə görüşəcəyi məlum olub.

Qeyd edək ki, Rusiya və ABŞ prezidentlərinin görüşü iyul ayının ortalarında Vyanada keçirilə bilər.