Vətən müharibəsi şəhidinə həsr olunan tamaşa nümayiş edilib 

Cəlilabadda şəhid İşiyev Rəfail Əhmədağa oğlunun “Ana məni bağışla” tamaşası nümayiş edilib.

"Report"un Muğan bürosunun məlumatına görə, tamaşa Cəlilabad rayon Heydər Əliyev Mərkəzində baş tutub.

Tamaşanı şəhidin yaxınları, rayon rəsmiləri və yerli sakinlər izləyiblər.

Qeyd edək ki, Rafail İşiyev 1979-cu ildə Cəlilabad rayonunda anadan olub.

Noyabrın 3-də Xocavənd rayonu uğrunda gedən döyüşlərdə şəhid olub.

Göstərdiyi igidliklərə görə, Ali Baş Komandan, Prezident İlham Əliyevin müvafiq sərəncamları ilə “Vətən uğrunda” və “Şuşanın azad olunmasına görə” medalları ilə təltif edilib.