Şəhid Firuz Əhmədov Tovuzda dəfn edilib

Ermənistanın təxribatları nəticəsində, şəhid olan Firuz Məzahir oğlu Əhmədov torpağa tapşırılıb.

"Report"un Qərb bürosunun məlumatına görə, Ermənistan Silahlı qüvvələrinin törətdiyi təxribat nəticəsində şəhid olan, Tovuz rayon sakini, 1985-ci il təvəllüdlü Əhmədov Firuz Məzahir oğlu ilə vida mərasimi keçirilib.

Vida mərasimindən şəhidin yaxınları ilə yanaşı ictimaiyyət nümayəndələri, hüquq-mühafizə orqanlarının əməkdaşları və rayon sakinləri iştirak edib.

Vida mərasimində sonra şəhid Tovuz şəhər Qəbristanlığında dəfn olunub.

Qeyd edək ki, gizir F.Əhmədov erməni silahlı qüvvələrinin Laçın istiqamətində törətdiyi təxribat nəticəsində şəhid olub.

Allah rəhmət eləsin!