Şəhid Azər Məmmədovun nəşi ailəsinə təhvil verilib 

Ermənistan silahlı qüvvələrinin törətdiyi təxribat nəticəsində şəhid olan Azər Mustafa oğlu Məmmədovun nəşi Qazax rayon Kəmərli kəndinə gətirilib.

"Report"un Qərb bürosunun məlumatına görə, şəhidin nəşi artıq ailəsinə təhvil verilib.

Qeyd edək ki, 1993-cü il təvəllüdlü Azər Mustafa oğlu Məmmədov sentyabrın 13-də Ermənistan silahlı qüvvələrinin törətdiyi təxribat nəticəsində şəhid olub.

O, 20 gün əvvəl ailə həyatı qurmuşdu.