Rumıniyadan olan səyyah: “Qarabağ məşhur turizm istiqamətlərindən birinə çevriləcək”

“Azərbaycanın Qarabağ regionu yaxın gələcəkdə məşhur turizm istiqamətlərindən birinə çevriləcək”.

Bunu “Report”a açıqlamasında Rumıniyadan olan səyyah Matey Rusu bildirib.

“Mən özüm turizm sektorunda işlədiyim üçün deyə bilərəm ki, bu regionda qışda xizək sürmək istəyən turistlərin sayı kifayət qədər olacaq”, - o vurğulayıb.

Onun sözlərinə görə, Azərbaycanın işğaldan azad edilmiş ərazilərinə səfərlə hər kəs Qarabağ bölgəsi və Ermənistanın 30 illik işğalı ilə bağlı həqiqətləri öyrənib.