ANAMA: Azad olunan ərazilərdə indiyədək 50 nəfər minaya düşüb

“Noyabrın əvvəlindən indiyədək minalarla bağlı 50 nəfərin iştirakıyla 30-dan çox hadisə baş verib”.

“Report”un xəbərinə görə, bunu Azərbaycan Minatəmizləmə Agentliyinin (ANAMA) İdarə Heyəti sədrinin müavini Samir Poladov “İkinci Qarabağ müharibəsi və minalar” adlı vebinarda deyib.

“İnsanlar həmin torpaqların işğaldan azad olunması arzusu ilə yaşayırdılar. Onlar öz dədə-baba yurdlarını görmək istəyirlər. Həmin insanların hissləri başadüşüləndir. Təəssüf ki, onların bəziləri təhlükəni nəzərə almadılar. Avtomobillərlə ya da piyada minalanmış ərazilərə gediblər. Bununla da onlar minalanmış sahəyə düşüblər”, - o vurğulayıb.