Mixail Qusman: “İlham Əliyev işğal olunmuş əraziləri qaytaracağına söz verdi və bunu etdi”

“Bu gün bütün Azərbaycan xalqı üçün tarixi bir gündür. Azərbaycanın Prezidenti və Ali Baş Komandanı İlham Əliyev and içərək işğal olunmuş torpaqların geri qaytarılacağına və Azərbaycan Bayrağının Qarabağda dalğalanacağına söz vermişdi”.

“Report” xəbər verir ki, bunu Rusiyanın TASS informasiya agentliyinin baş direktorunun birinci müavini Mixail Qusman deyib.

“Bu gün Azərbaycan bayrağı Qarabağda və Ali Baş Komandanın Xankəndidə iştirak etdiyi hərbi paradda qürurla dalğalanır. Bu, qələbənin, azad edilmiş torpaqların, qaytarılmış ləyaqət və ədalət hissinin simvoludur. Bu münasibətlə hamımızı təbrik etmək lazımdır. Qələbə bayramınız mübarək!”, - o bildirib.