Media nümayəndələri Tərtərdə mina partlayışının baş verdiyi ərazidədirlər

Media nümayəndələri aprelin 28-də Tərtər rayonunun Talış kəndindən Tapqaraqoyunlu kəndi istiqamətində üç nəfərin ölümü ilə nəticələnən mina partlayışının baş verdiyi ərazidədirlər.

"Report"un Qarabağ bürosu xəbər verir ki, səfər Beynəlxalq Avrasiya Mətbuat Fondunun (BAMF) Minatəmizləmə qrupunun təşkilatçılığı keçirilir.

Məlumat verilib ki, bu, son on gün ərzində rayon ərazisində baş verən üçüncü mina partlayışı hadisəsidir.

Qeyd olunub ki, aprelin 18-də Borsunlu kəndində baş verən mina partlayışında 1 nəfər, aprelin 26-da Suqovuşan kəndi istiqamətində baş verən mina partlayışında da 1 nəfər minaya düşüb.

Aprelin 28-də Talış kəndindən Tapqaraqoyunlu kəndi istiqamətində olan ərazidə baş verən hadisə zamanı isə 3 nəfər həlak olub.