ANAMA: Düşmən tank əleyhinə minaların üzərində piyada minaları basdırıb

ANAMA: Düşmən tank əleyhinə minaların üzərində piyada minaları basdırıb “Düşmən işğal dövründə ərazilərimizdə mina tələləri qurub. Onlar minaları basdıran zaman bütün standartları pozublar”.
Qarabağ
181
8 May , 2021 12:02
ANAMA: Düşmən tank əleyhinə minaların üzərində piyada minaları basdırıb
0 : 00
0 : 00

“Düşmən işğal dövründə ərazilərimizdə mina tələləri qurub. Onlar minaları basdıran zaman bütün standartları pozublar”.

“Report”un Füzuliyə ezam olunan əməkdaşının xəbərinə görə, bunu Azərbaycan Respublikasının Minatəmizləmə Agentliyinin (ANAMA) 1 saylı təmizləmə qrupunun əməliyyat meneceri Mədət Məmmədov deyib.

“Bir çox yerlərdə üç minanı yan-yana basdırıblar. Hansı ki, minalar bir-birindən müəyyən məsafədə basdırılmalıdır. O minalardan biri partlayan kimi avtomatik olaraq digərləri də partlayır. Nəticədə güclü partlayış baş verir. Eyni zamanda, tank əleyhinə minaların üzərində piyada əleyhinə minaların quraşdırılması halları da qeydə alınıb.

Bundan başqa, daşlı ərazilərdə basdırılan minaların üzərinə daş qoyulması faktları da qeydə alınıb”, - ANAMA-nın əməkdaşı əlavə edib.

Son xəbərlər

Orphus sistemi