Amid Fərəcov: “Atamın ən böyük arzusu Laçına qayıtmaq idi”

“Mən Zabuxdan çıxanda 5 yaşım var idi. 31 ildən sonra doğma vətənimizə, atamızın yurduna qayıdırıq”.

“Report” xəbər verir ki, bunu Zabux kənd sakini, keçmiş məcburi köçkün Amid Fərəcov deyib.

O bildirib ki, bu gün doğma yurda qayıtdığı üçün çox sevinclidir:

“Atamın ən böyük arzusu Laçına qayıtmaq idi. Amma dünyadan vaxtsız köçdü, bu gözəl günləri görmək ona qismət olmadı. Amma bu gün biz ailə üzvlərimizlə doğma yurda qayıdırıq.

Çox şükür ki, torpaqlarımız işğaldan azad edildi, Ali Baş Komandan İlham Əliyev və müzəffər Ordumuzun sayəsində biz ata yurdumuza qayıdırıq. Çox sevincliyik. Bizə bu gözəl günləri yaşadanlara öz təşəkkürümüzü bildiririk, şəhidlərimizə rəhmət, qazilərimizə cansağlığı arzulayırıq”.